Televizioni lokal i Peqinit ‘Klaudiana’ ka rënë pre e grabitjes mbrëmjen e djeshme.
Disa persona të paidentifikuar kanë thyer derën kryesore për tu futur në godinë.
Ata kanë dëmtuar disa nga pajisjen e ndodhura brenda dhe kanë vjedhur disa televizorë plazëm.
Sakaq, sinjali i transmetimit është ndërprerë.
Një nga punonjësit ka konstatuar ngjarjen pasi shkoi për të verifikuar shkakun e defektit.
Denoncimi është bërë në policia, e cila nga ana tjetër nuk ka dhënë asnjë detaj rreth ngjarjes.
Ky televizion ndodhej në qendër të qytetit dhe ka dy dekada që është hapur.
