Pas një hetimi ndërkombëtar të koordinuar nga shtetet evropiane të Belgjikës, Hollandës dhe Spanjës, janë arrestuar 19 persona mes tyre edhe shqiptarë, në lidhje me një rrjet ndërkombëtar të trafikimit të drogës.
Nga operacioni u arrit që të sekuestrohej në flasgrancë një sasi prej 2 tonë marijuanë dhe më shumë se 34 mijë bimë kanabis sativa.
Për realizimin me sukses të këtij operacioni, morën pjesë më shumë se 300 agjentë policie. 14 persona u arrestuan në Spanjë, katër në Hollandë dhe një në Belgjikë.
Organizata e trafikimit përbëhej kryesisht nga shtetas hollandezë, përgjegjës për lëndën narkotike, të mbështetur nga shqiptarët, të cilët ishin në krye të gjithçkaje që lidhej me kultivimin e marijuanës.
Gjithashtu u arrestuan edhe shtetas spanjollë të cilët ishin përgjegjës për logjistikën.
Ata instaluan plantacionet në shtëpi ose depo që ishin të vështira për t’u arritur dhe larg qendrave të banuara. Policia ra në gjurmët e tyre pasi shmangën pagimin e një fature të energjisë elektrike prej 1.5 milionë eurosh.
Nga kontrolli u sekuestruan 14 automjete, 20 mijë euro dhe një pistoletë. Hetimet e para u zhvilluan kur agjentët zbuluan praninë e një grupi trafikantësh droge, të përbërë kryesisht ngashqiptarë, të cilët vepronin në Spanjë, Belgjikë dhe Hollandë./GazetaReforma.com/
