Shkarkimi i presidentit Ilir Meta, sot mblidhet Komisioni Hetimor

Google+ Pinterest LinkedIn Tumblr +

Shkarkimi i presidentit Ilir Meta ka qenë një kërkesë e vazhdueshme e deputetëve të Partisë Socialiste shumë ditë përpara se të mbaheshin zgjedhjet e 30 qershorit.

Kjo këkesë për shkarkimin e tij erdhi pikërisht pasi presidenti Meta dekretoi datën e zgjedhjeve dhe botimin në Fletoren Zyrtare.

E vetëm një ditë para zgjedhjeve të 30 qershorit, Meta dekretoi datën 13 tetor si datën e re për mbajtjen e zgjedhjeve. Ditën e hënë Kuvendi i Shqipërisë miratoi me 101 vota pro ngritjen e një Komisioni Hetimor për shkarkimin e Metës.

Mësohet se sot do të zhvillohet edhe mbledhja e parë e Komisionit Hetimor për shkarkimin e presidentit Meta.

Brenda muajit korrik ky Komision Hetimor do të zhvillojë 3 ose 4 mbledhje të tjera. Komisioni do të zgjasë 3 muaj, ku në përbërje të tij janë 9 anëtarë. 5 janë nga PS dhe 4 anëtarë nga opozita e re

Në krye të Komisionit Hetimor është kryetari i Komisionit të Ligjeve, Ulsi Manja.

Shpërndaje
Share.

Komento