Shkarkimi i Metës, flet kreu i Komisionit të Venecias: E kemi një ide nëse Presidenti e ka shkelur Kushtetutën

Google+ Pinterest LinkedIn Tumblr +

Komisioni i Venecias ndodhet prej ditësh në Shqipëri, ku ka zhvilluar takime me krerët më të lartë të vendit.

Kjo vizitë ka marrë shkas nga vendimi i Kuvendit për të ngritur një Komision Hetimor, i cili do të gjykojë nëse presidenti, Ilir Meta, e ka shkelur apo jo Kushtetutën me dekretet e tij.

Paraditën e sotme anëtarët e Komisionit të Venecias, kanë zhvilluar takime me grupin e ngritur për shkarkimin e presidentit Ilir Meta, që kryesohet nga socialisti Ulsi Manja.

Në fund të takimit, kreu i delegacionit të Komisionit të Venecias, Kaarlo Tuori u shpreh se tashmë ata e kanë të qartë nëse Meta ka shkelur apo jo Kushtetutën, shkruan “Faxweb”.

Tuori vazhdoi më tej, duke thënë se raporti final do të prezantohet në 11 tetor.

“E kemi një ide të qartë, nëse e ka shkelur Presidenti Kushtetutën. Të gjitha takimet kanë qenë produktive, pasi morëm një informacion për të krijuar opinionin që do të dalë në 11 Tetor”, u shpreh ai.

Kujtojmë këtu se Meta doli për herë të parë përpara Komisionit Hetimor këtë të hënë, ku iu përgjigj disa pyetjeve të deputetëve socialistë.

Shpërndaje
Share.

Komento