Ndotja është shkaktari kryesor i vdekjeve.
Sipas studimeve të Aleancës Globale për Shëndetin dhe Ndotjen, ajo vret tre herë më shumë njerëz sesa SIDA, tuberkulozi dhe malarja së bashku.
Ajri dhe uji i ndotur, helmimi nga plumbi, dhe vendet e ndotura të punës llogaritet se kanë shkaktuar vdekjen e 8.3 milion njerëzve në 2017.
Kështu, ndotja e ajrit është vrasësi kryesor, duke përbërë 40 % të numrit global të vdekjeve.
Ky numër llogaritet të jetë më i madh se numri i vdekjeve nga luftërat, duhani, alkooli, droga.
India dhe Kina kishin numrin më të lartë të vdekjeve të lidhura me ndotjen, të pasuara nga Nigeria, Indonezia dhe Pakistani.
Shtetet e Bashkuara radhiten në vendin e shtatë.
Aleanca në fund të studimit bën thirrje për reagim urgjent të shteteve.
Ajo kërkon vënien në zbatim të ligjeve të ndryshme për mbrojtjen e qytetarëve, pasi kjo çështje nuk ka marrë vëmendjen e duhur.
