Shisnin kokainë me doza/ Pranga tre personave në Durrës, në mesin e tyre edhe një femër

Google+ Pinterest LinkedIn Tumblr +

Policia e Durrësit ka arrestuar tre persona, për shpërndarje të lëndëve narkotike.

Në pranga kanë rënë D. M., 32 vjeç, L. M., 57 vjeç, ky i fundit i dënuar më parë për moskallëzim krimi dhe një femër, në cilësinë e bashkëpunëtores.

Gjatë kontrolleve në banesën e D.M. në lagjen nr.14 të Durrësit, policia gjeti dhe sekuestroi 124 doza me kokainë dhe një peshore elektronike.

Ndërsa gjatë kontrollit në automjetin tip “Benz” të L.M. u gjetën dhe u sekuestruan 2 doza me kokainë dhe 63 gramë.

Materialet i kaluan Prokurorisë së Durrësit për veprime të mëtejshme.

Njoftimi i policisë

Vijon operacioni antidrogë i koduar “HIGH QUALITY”. Goditet një tjetër rast i shpërndarjes së drogave të forta në doza të vogla. Arrestohen në flagrancë 2 shtetas. Sekuestrohen 126 doza me lëndë narkotike kokainë, 1 automjet, 3 telefona celularë dhe 1 peshore elektronike. Në vijim të operacionit “HIGH QUALITY”, për goditjen e veprimtarisë kriminale të shpërndarjes së drogave të forta, në kuadër të të cilit u sekuestrua 0.5 kg lëndë narkotike e llojit heroinë dhe kokainë, si dhe një sasi e konsiderueshme parash, e përfituar nga shitja e lëndës narkotike dhe u vunë në pranga 3 shtetas (organizatori, shpërndarësi dhe bashkëpunëtorja e shpërndarësit të lëndës narkotike), operacioni ka vijuar për evidentimin dhe goditjen e personave të tjerë që ushtrojnë këtë veprimtari kriminale.

Si rezultat i vijimit të operacionit të ndjekur me metoda proaktive, specialistët e Seksionit për Hetimin e Narkotikëve në Drejtorinë Vendore të Policisë Durrës, kanë evidentuar dhe goditur një tjetër rast, duke vënë në pranga dy shtetas:

  1. M., 32 vjeç dhe L. M., 57 vjeç, i dënuar më parë për veprën penale “Moskallëzim krimi”.

Gjatë kontrollit në banesën e shtetasit D. M., në lagjen nr. 14, Durrës, u gjetën dhe sekuestruan në cilësinë e provës materiale 124 doza me lëndë narkotike kokainë dhe një peshore elektronike, ndërsa gjatë kontrollit të shtetasit L. M., në automjetin tip “Benz”, u gjetën dhe sekuestruan 2 doza kokainë, në total 63 gramë kokainë.

Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve”.

Shpërndaje
Share.

Komento