13 personat e arrestuar tri ditë më parë në kuadër të operacionit “Winter”, të cilët akuzohen për shitjen e doza lëndësh narkotike si kokainë dhe kanabis në zona të ndryshme të Kavajës, kryesisht pranë shkollave, janë paraqitur para gjykatës së Durrësit për t’u njohur me masën e sigurisë.
Seanca gjyqësore po zhvillohet nën drejtimin të gjyqtares Suela Xhani dhe pa praninë e mediave.
Të arrestuar janë:
Renaldo Gjondeda 35 vjeç, banues në Rrogozhinë;
Rudi Dimni 29 vjeç, banues në Kavajë;
Elion Danai 22 vjeç, banues në Kavajë;
Rexhep Lushka 25 vjeç, banues në Kavajë;
Ramazan Kola 19 vjeç, banues në Kavajë;
Alesio Shaba 23 vjeç, banues në Kavajë;
Rei Shaba 21 vjeç, banues në Kavajë;
Endri Meçja 29 vjeç, banues në Kavajë;
Besnik Belba 33 vjeç, banues në Kavajë;
Serxho Abazi 25 vjeç, banues në Kavajë;
Kujtim Veizi 52 vjeç, banues në Kavajë;
Bardhyl Dumullaku 50 vjeç, banues në fshatin Synej;
Arben Xhihani 38 vjeç, banues në Kavajë.
Ata akuzohen për veprën penale “Prodhimi dhe shitja e narkotikëve”.
Janë sekuestruar në cilësinë e provës materiale: 80 doza kokaine, 620 doza kanabisi, 2 peshore elektronike, pajisje për presimin e lëndëve narkotikëve dhe ndarjen e tyre në doza, shuma parash në euro dhe lekë dhe 19 celularë; 3 silenciatorë, 1 jelek antiplumb, pajisje për modifikimin e armëve të zjarrit, 1 detektor dhe 1 bllokues valësh.
