Shifrat në 24 orë, 9 viktima dhe qindra raste të reja nga covid-19 (BILANCI)

Ministria e Shëndetësisë ka bërë me dije përditësimin zyrtar të rasteve të reja dhe vdekjeve nga covid-19 gjatë 24 orëve të  fundit në vendin tonë.

Sipas publikimit dhe njoftimit zyrtar, mësohet se janë regjistruar 9 vdekje për shkak të covid-19, si dhe 553 raste të reja me koronavirus gjatë 24 orëve të fundit.

Aktualisht në 4 spitalet Covid, po trajtohen 309 pacientë, 22 prej tyre janë në terapi intensive dhe  9 pacientë të tjerë janë të intubuar.

Njoftim i i Ministrisë së Shëndetësisë:

Megjithë përpjekjet e mjekëve, në 24 orët e fundit nuk kanë arritur që të fitojnë betejën me sëmundjen 9 qytetar me Sars-Cov2 pozitiv në spitalet COVID: 2 qytetar nga Tirana, 2 qytetar nga Berati, 1 qytetar nga Mallakastra, 1 qytetar nga Lushnja, 1 qytetar nga Skrapari, 1 qytetar nga Vlora, 1 qytetare nga Peqini, të moshave 52-81 vjeç.

Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Janë kryer 2184 testime dhe kanë rezultuar pozitivë 553 qytetarë. Rastet pozitive të konfirmuara janë identifikuar në këto bashki:

230 raste në Tiranë, 46 në Fier, 33 në Shkodër, 32 në Vlorë, 23 ë Durrës, 16 në Elbasan, 15 në Lezhë, 14 në Korçë, 13 në Lushnje, 12 në Sarandë, 10 në Gjirokastër, 9 në Berat, 8 në Kamëz, nga 7 raste në Pogradec, Dibër, 6 në Krujë, nga 5 raste në Librazhd, Mat, Skrapar, nga 4 raste në Devoll, Ura Vajgurore, Kuçovë, nga 3 raste në Kukës, Has, Përmet, Bulqizë, Memaliaj, Klos, Gramsh, nga 2 raste në Kurbin, Kavajë, Pukë, Delvinë, Tepelenë, Fushë Arrëz, Peqin, nga 1 rast në Rrogozhinë, Tropojë, Vau i Dejës, Belsh, Roskovec, Shijak, Vorë, Patos, Cerrik, Këlcyrë.

Në 24 orët e fundit janë shëruar 514 qytetarë, duke e çuar numrin e të shëruarve 30,790 që nga fillimi i epidemisë.

Numri i të shtruarve në spitale vijon të jetë i qëndrueshëm. Aktualisht në 4 spitalet COVID, po trajtohen 309 pacientë, 22 në terapi intensive nga të cilët 9 pacientë janë të intubuar.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë. Nëse nuk e dini cili është mjeku juaj i familjes, telefononi linjën e gjelbër falas 0800 40 40 për ta mësuar dhe për t’u vendosur në kontakt me mjekun tuaj të familjes.

Gjithashtu është në dispozion 24 orë në 7 ditë të javës numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.

COVID-19 – Statistika (25 Dhjetor 2020)

Raste të reja ditore        553

Të shëruar në 24 orë      514

Të shtruar në spitale      309

Humbje jete në 24 orë   9

Testime ditore            2184

Testime totale          249,635

Raste pozitive          55,380

Raste të shëruara      30,790

Raste Aktive            23,456

Humbje jete            1134

Shpërndarja gjeografike e rasteve aktive sipas qarqeve:

Tiranë   13156

Fier          1611

Shkodër     1329

Durrës        1264

Vlorë        1055

Korçë         978

Elbasan    917

Berat   871

Lezhë   883

Gjirokastër  525

Kukës  487

Dibër  380/Gazetareforma.com/