World Vision është një organizatë e zhvillimit komunitar, e krishterë, humanitare dhe avokatie.
Të dhënat e fundit të kësaj organizate në lidhje me dhunën te fëmijët në Shqipëri janë alarmante.
Bazuar në raport, në Shqipëri 70% e fëmijëve nga mosha 8-18 vjeç, kanë përjetuar dhunë, shkruan Balkanweb.
Nga kjo shifër, 46% janë indiferentë ndaj dhunës, ndërsa 34% e tyre nuk kanë besim te institucionet.
Dhuna është një prej faktorëve, që pengon zhvillimin dhe mirqënien e fëmijëve në Shqipëri.
“World Vision Albania prej më shumë se 10 vitesh punon ngushtë me fëmijët, komunitetet dhe institucionet shtetërore për identifikimin, raportimin dhe menaxhimin e rasteve të fëmijëve të dhunuar. Përkushtimi i institucioneve shtetërore, donatorëve, korporatave, organizatave të shoqërisë civile në ofrimin e shërbimeve të integruara vazhdon të jetë thelbësor për eliminimin e dhunës ndaj fëmijëve në Shqipëri. Në mbështetje të nevojës për shërbime, Ëorld Vision hartoi standardet dhe po piloton në Bashkitë Durrës dhe Dibër Shërbimin e Emergjencës për Fëmijët në rrezik të lartë.” – shprehet znj. Artina Morava, drejtoresha e programit të World Vision për Shqipërinë dhe Kosovën.
Ndërkohë mbi 350 prindër, fëmijë, adoleshentë dhe personazhe të njohur, janë bashkuar nën moton: “Duhet një botë e tërë për t’i dhënë fund dhunës ndaj fëmijëve.”
