Sherri me studentët e Ekonomikut, Dhori Kule njofton masat e reja

Google+ Pinterest LinkedIn Tumblr +

Një sherr masiv u regjistrua dy ditën më parë jashtë një godine në Qytet Studenti, ku po zhvillonin mësim studentët e Fakultetit Ekonomik.

Nisur nga ngjarja e rëndë, dekani i këtij Fakulteti, Dhori Kule ka njoftuar masat e reja të vendosura.

Kule urdhëroi që çdo person, nëse nuk ka kartë studenti, nuk do të lejohet të futet në mësim.

Ndërsa për çdo emergjencë, një punonjës administrate nga ora 08:00-20:00, do të jetë në dispozicion të tyre.

Dy të panjohur u futën dy ditë më parë në godinën ku po zhvillonin mësim studentët e Ekonomikut, duke pretenduar se i ka dërguar dekani.

Ata filluan të ngacmonin vajzat, çka detyroi pedagogen të ndërpriste mësimin.

Disa prej djemve të klasës u konfliktuan me dy të panjohurit.

Më pas jashtë godinës, ata u dhunuan barbarisht nga një grup prej 20 personash.

Si pasojë e dhunës, tre prej studentëve përfunduan me fraktura të rënda.

Në lidhje me këtë ngjarje, pedagogë, prindër dhe studentë, protestuan përpara Fakultetit Ekonomik.

Ata kërkuan që dy të panjohurit të identifikohen dhe të marrin dënimin e merituar.

Shpërndaje
Share.

Komento