Kosova ka bërë një përmirësim të lehtë të situatës së infektimeve me koronavirus, ku në 24 orët e fundit u konfirmuan 13 viktima dhe 590 raste të reja pozitive.
Autoritetet Shëndetësore në Kosovë bëjnë me dije se 696 persona janë të shëruar nga koronavirusi duke e çuar numrin total të shëruarve në 32.498.
Rastet pozitive janë nga komuna Prishtinë 244 raste, Mitrovicë 46 raste, Podujevë 35 raste, Fushë-Kosovë 32 raste, Gjilan 25 raste, Lipjan 25 raste, Viti 24 raste, Vushtrri 22 raste, Drenas 21 raste, Gjakovë 21 raste, Obiliq 20 raste, Ferizaj 13 raste, Prizren 13 raste, Kamenicë 10 raste, Skenderaj 6 raste, Malishevë 5 raste, Suharekë 5 raste, Kaçanik 4 raste, Pejë 4 raste, Dragash 3 raste, Rahovec 3 raste, Deçan 2 raste, Klinë 2 raste, Shtime 2 raste dhe me nga 1 rast komunat: Istog, Novobërdë, Zubin-Potok.
Që nga fillimi i pandemisë në Kosovë janë regjistruar 45.594 raste pozitive, ndërsa 1.174 persona kanë humbur jetën.
/GazetaReforma.com/
