Festa e Shën Valentinit u kthye në tragjedi për një çift nga Mamurrasi, të cilët kishin vendosur të festonin në Pogradec.
Pas mesnate, një aksident fatal ndodhi në aksin Përrenjas-Librazhd, në vendin e quajtur Pishkash, në Njësinë Administrative Qukës.
Një Mercedes-Benz, i drejtuar nga 34-vjeçari Zef Sinani, u përplas me një kamion me targa të Maqedonisë së Veriut. Si pasojë e përplasjes së fortë, humbi jetën e fejuara e tij, 20-vjeçarja Megi Xhetani, e cila ishte pasagjere në automjet.
Drejtuesi i mjetit mbeti i plagosur rëndë dhe u dërgua në Spitalin e Traumës.
Hetimet paraprake dyshojnë se shkak i aksidentit ka qenë humbja e kontrollit nga drejtuesi i mjetit, pasi rruga ishte e rrëshqitshme për shkak të një sasie vaji të derdhur më herët.
E reja, ende në lule të rinisë, humbi jetën tragjikisht pas mungesës së kontrollit dhe pa ndëshkimin e personave përgjegjës për këtë krim që vazhdon të ndodhë në rrugët e vendit
