Presidenti Ilir Meta ka reaguar për shembjen e Teatrit Kombëtar, në rrjetin e tij social Facebook.
Sipas presidentit Meta, mafia urdhëroi shkatërrimin e teatrit. Kjo do jetë një damkë e zezë për ata që janë në pushtet, është shprehur Meta.
Kujtojmë këtu se kundër prishjes së Teatrit Kombëtar, artistë të shumtë e qytetarë të thjeshtë protestuan për më shumë se dy vite.
Reagimi i Metës:
Pak orë më parë, në kulmin e errësirës, MAFIA urdhëroi shkatërrimin, jo vetëm të një prej monumenteve të trashëgimisë kulturore më të rrezikuara të Europës, por edhe të çdo iluzioni për ekzistencën e shtetit të së drejtës në Shqipëri.
Dhunimi i njëkohshëm i artistëve dhe gazetarëve është një damkë e zezë për MAFIEN në pushtet.
Kjo pamje do kujtohet njësoj si kazmat e diktaturës në ‘67 mbi kishat dhe xhamitë.
KY ËSHTË NJË KRIM KUSHTETUES, LIGJOR DHE MORAL I PAAMNISTUESHËM.
https://www.facebook.com/ilirmetazyrtar/posts/3012408472138739
