Shqipëria i nisi mbarë kualifikueset e botërorit me një fitore 0-1 në fushën e Andorrës, por kuqezinjtë tanë, i pret një sfidë tepër e vështirë përballë gjigantëve të Anglisë. Shqipëria ndodhet në kuotën e 3 pikëve në vend të dytë, ndërsa Anglia kryesuese po me tre pikë, ka golavarazh më të mirë, pasi shkatërroi me rezultatin 5-0 ekipin e San Marinos në ndeshjen e parë.
Trajneri i Shqipërisë, Edi Reja, pritet të bëjë ndryshime të mëdha në krahasim me formacionin që përdori kundër Andorrës. Përveç Marash Kumbullës, që nuk është i disponueshëm për shkak dëmtimi, pritet të jetë jashtë edhe Emir Lenjani, Ledian Memushaj, si dhe dyshja e sulmit, Sokol Cikalleshi dhe Rei Manaj.
Shqipëria pritet të luajë me një modul të ri, duke ndryshuar nga 3-4-1-2, në modulin 5-4-1. Në portë pritet të jetë Etrit Berisha. Më pas, mbrojtja pritet të përbëhet nga Albi Doka në të djathtë, në qendër Ardian Ismajli, Berat Gjimshiti, Federik Veseli dhe në të majtë, Elseid Hysaj. Mesfusha është me Myrto Uzunin, Keidi Baren, Qazim Laçi, Florian Kamberi, ndërsa në sulm, i vetëm pritet të jetë Armando Broja. Sfida mes Shqipërisë dhe Anglisë do të luhet sot në stadiumin “Air Albania”.
FORMACIONI I MUNDSHËM
MODULI: 5-4-1
