Duket se lëkundjet e tërmetit në vendin tonë nuk kanë të ndalur, pasi lëkundje të tjera janë regjistruar edhe pasditen e sotme.
Sipas Qendrës Sizmiologjike Europiane (CSEM) lëkundjet kanë qenë me magnitudë 3.0 ballë i shkallës Rihter dhe thellësi prej 10 kilometrash.
Ndërkohë epiqendra e tërmetit ka qenë 4 kilometra larg Lushnjës dhe 33 kilometra larg qytetit të Elbasanit.
Pavarësisht se lëkundjet janë ndjerë në Lushnjë e Elbasan, deri tani nuk raportohet për dëme materiale.
Sakaq, dhjetëra lëkundje tërmeti janë ndjerë ditët e fundit në vend, duke i shqetësuar të gjithë teksa po afron koha e tragjedisë së madhe të tërmetit të nëntorit.
Mirëpo, specialistët kanë qetësuar duke thënë se qytetarët nuk duhet të kenë frikë, pasi tërmetet e fundit nuk kanë lidhje me tërmetin e Durrësit.
