Avokati i Selim Çekajt, Maksim Haxhia pretendon para Avokatit të Popullit se procesi që po zhvillohet ndaj tij është jo i rregullt ligjërisht.
Ai i kërkon Avokatit të Popullit të dërgojë një përfaqësues për të ndjekur e monitoruar hetimin ndaj Selim Çekajt, babait të Arbër Çekajt që u arrestua për 49 kg kokainë të kapur në një kontejner me banane në Ekuador.
Më 1 prill, gjatë një kontrolli në Portin e Durrësit u gjet në një konteiner një sasi prej 49 kg kokainë, e cila si destinacion kishte firmën në Maminas, të Selim Çekajt,, babai të Arbër Çekajt, i cili është dënuar më parë për 613 kg kokainë.Kujtojmë se Selim Çekaj, babai i Arbër Çekaj u la në burg , pasi në kontejnerin ku ai priste bananet e porositura me firmën e tij, “EcoalMax”, nga Ekuadori, Policia zbuloi të fshehur 49 kg kokainë.
Pas një seancë që zgjati disa orë, Gjykata e Shkallës së Parë në Durrës ka dhënë masën “Arrest me burg” për babain e Arbër Çekajt, Selim Çekaj, mbi të cilin rëndon akuza e trafikimit ndërkombëtar të drogave të forta. Organi akuzës që përfaqësohej nga prokurorja Enkeleda Xhengo e akuzoi Çekajn për trafik ndërkombëtar droge, duke kërkuar si masë sigurie atë të arrestit në burg për 72-vjeçarin, i cili ka mohuar të gjitha akuzat, duke u deklaruar i pafajshëm.
