Gjykata e Posaçme kundër Korrupsionit dhe Krimit të Organizuar ka shpallur mos kompetencë për sekuestrimin e pasurisë së ish-Prokurorit të Përgjithshëm Adriatik Llalla.
GJKKO ia ka kaluar çështjen kolegëve të saj në Gjykatën e Tiranës. Në vendimin e tyre thuhet se vepra penale për të cilën akuzohet ish- Prokurori i Përgjithshëm nuk është kompetencë e kësaj gjykate dhe në bazë të ligjit Antimafia këtë gjykim duhet ta bëjë Gjykata e Tiranës.
Kujtojmë se një muaj e gjysmë më parë ish-kryeprokurori Llalla u mor si i pandehur për akuzën e mos deklarimit të të ardhurave në kufi.
Ai akuzohet për “fshehjen dhe mos deklarimin e pasurisë”, kryer në tre raste, vepër për të cilën Kodi Penal parashikon dënim nga gjobë deri në 3 vite burg.
GJKKO pranoi kërkesën e SPAK për gjykimin e çështjes së Adriatik Llallës me 19 nëntor.
Pasuritë e sekuestruara:
Pasuria e paluajtshme nr.39/146-ND+1-21, zona kadastrale nr.8518, e llojit apartament banimi, me sipërfaqe 67.2 m², ndodhur në Durrës, blerë me kontratën nr.432 Rep dhe nr.221 Kol, datë 19.03.2012;
Pasuria e paluajtshme nr.64/40, zona kadastrale nr.3091, volume 3, faqe 195, e llojit tokë arë, me sipërfaqe 4.500 m², blerë me kontratën nr.972 Rep dhe nr.546 Kol, datë 05.12.2016;
Pasuria e paluajtshme nr.64/61, zona kadastrale nr.3091, volumi 4, faqe 198, e llojit tokë arë, me sipërfaqe 12.300 m², ndodhur në Tiranë, blerë me kontratën nr.316 Rep dhe nr.187 Kol, datë 15.03.2017;
Pasuria e paluajtshme nr.64/62, zona kadastrale nr.3091, volumi 4, faqe 199, e llojit tokë arë, me sipërfaqe 3000 m², ndodhur në Tiranë, blerë me kontratën nr.315 Rep dhe nr.186 Kol, datë 15.03.2017;
Pasuria e paluajtshme nr.64/58, zona kadastrale nr.3091, volumi 4, faqe 195, e llojit tokë arë, me sipërfaqe 2250 m², ndodhur në Tiranë, blerë me kontratën nr.573 Rep dhe nr.376 Kol, datë 15.05.2017./Gazetareforma.com/
