Gjykata e Posaçme Kundër Korrupsionit dhe Krimit të Organizuar, ka pranuar kërkesën e SPAK, për sekuestrimin e blindit “BMW”, të Lulzim Berishës, ish-kreut te bandës së Durrësit.
Avokati i Berishës, Detar Hysi, ka reaguar pas vendimit të marrë nga gjyqtarja Ilirjana Olldashi.
Hysi është shprehur se të ardhurat për blerjen e mjetit janë të ligjshme dhe do ta ankimojë vendimin.
“Do ankimojmë vendimin, të ardhurat për blerjen e mjetit janë të gjitha të ligjshme dhe të deklaruara”, është shprehur avokati Hysi.
Lulzim Berisha ka 15 ditë afat për të ankimuar vendimin në Gjykatën e Posaçme të Apelit.
Ish-kreu i bandës së Durrësit ishte nga emrat e parë, të cilit OFL i kërkoi të deklaronte pasurinë.
