Sot pritet të mbahet Samiti i Natos për luftën që po ndodh në Ukrainë, ndërkohë kryeministri i Shqipërisë Edi Rama ka njoftuar sot mbajtjen e një konferencë të jashtëzakonshme.
Kreu i qeverisë tka publikuar një foto nga një protestë, ku shihet një protestues që kërkon falje se është rus. Rama theksoi se konferenca do të mbahet në mbrëmje.
“Pas Samitit të Jashtëzakonshëm të NATO-s që do të mbahet gjatë ditës, do të zhvillojmë një konferencë të jashtëzakonshme për shtyp në orët e mbrëmjes, në varësi të përfundimit të Samitit”
Kujtojmë që agresioni dhe sulmet ruse kane vazhduar edhe gjatë natës në Ukrainë, të fokusuara kryesisht në Kiev.
Në një konferencë për shtyp presidenti ukrainas njoftoi se rusët kanë sulmuar me raketa në disa qytete të vendit, përfshirë edhe Kievin.
Të paktën 137 ushtarë rusë kanë mbetur të vdekur në ditën e parë të luftimeve. Sakaq, Zelensky i bëri edhe njëherë thirrje për ndihmë perëndimit dhe shfaqi kritikat për ta, duke thënë se nuk mjaftojnë vetëm sanksionet për Rusinë.
Nga pamjet e publikuara nga mediet botërore, shihet se në të gdhirë i gjithë kryeqyteti është ndriçuar nga sulmet e raketave ruse.
Ndërkohë Ministria e Mbrojtjes ruse sapo ka bërë një deklaratë duke pohuar se trupat e saj po mbajnë uzinën bërthamore të Çernobilit për ta “mbrojtur atë”.
