Nga transporti urban tek bisedat me pacientët: Rutina ditore e mjekëve të Infektivit

Google+ Pinterest LinkedIn Tumblr +

Mes mesazheve të shumta që mund t’i ketë transmetuar situata e koronavirusit në shoqërinë tonë është fakti se mjekët janë heronjtë e heshtur të çdo shoqërie, e sidomos në vendin tonë ku bluzat e bardha nuk kanë marrë vendin që meritojnë.

Tashmë ata janë vendosur prej një muaji në vijën e parë të luftës, duke rrezikuar jetën e tyre, teksa shumë prej mjekëve e infermierëve janë infektuar, por ia kanë dalë mbanë të mposhtin koronavirusin.

E më të rrezikuar janë padyshim mjekët që shërbejnë në dy spitalet COVID, në spitalin Infektiv dhe “Shefqet Ndroqi”, ku ndodhen të shtruar të infektuarit nga COVID-19.

Mjeku i njohur, Tritan Kalo ka treguar sot një ditë nga puna e tij në Infektiv, si shkon me urban e deri tek biseda e parë me pacientët.

Ja si e përshkruan një ditë normale të tijën në këtë kohë mjeku:

  • Fillon dita e punës me mbledhjen e mëngjesit e të gjithë stafit me ekipin e rojes, që drejtohet nga Shefja e Shërbimit, Najada Çomo, gjatë së cilës mjekët njihen me evoluimin e situatës në spital.
  • Veshja me paisjet e mbrojtjes personale, për aq kohë sa duhet për të parë të sëmurët, si dhe për të qëndruar në mjedisin e izolimit të tyre.
  • Vijon më pas me diskutime mes kolegësh për trajtimin sa më të kujdesshëm të të gjithë të sëmurëve , si dhe me përditësimin e informacioneve rreth virusit.

Me anë të një statusi në Facebook, Kalo shkruan se rutina ditore tashmë ka një muaj që ndodh dhe mendon se mund të vijojë dhe më gjatë se kaq dhe shton se masat duhet të lirohen, por të ketë dhe shtrëngime.

“Masat e marra për kufizimin e kontakteve, vetëizolimin, higjenën dhe ushqyerjen e duhur, tregojnë se jemi në udhë të mbarë….LIBERALIZIMI i tyre jo gradual DHE i pa shoqëruar me të tjera masa shtrënguese, është në mendimin tim i parakohshëm nisur edhe nga eksperienca të ngjashme në Japoni dhe në Korenë e Jugut”, shkruan Kalo.

Kalo ka komentuar dhe debatin për numrin e testeve që bëhen në Shqipëri për të zbuluar rastet me COVID-19, duke e konsideruar një debat shterpë, që do vijojë pasi politika është mbi ekspertët.

Po ashtu, Kalo shton se drita fatmirësisht është shfaqur në fund të tunelit dhe ka nisur fitorja kundër COVID-19.

“POSTIMI I PLOTË
09.04.2020….Fundi i javës së katërt të kuarantinës….Dita nis me udhëtimin në urbanin e caktuar për transportimin e personelit të Shëndetësisë….Mbritja në Shërbimin e Sëmundjeve Infektive në QSUT = Covid-1, sikundër ai njihet këto ditë të Pandemisë së Sars-Cov2/Covid-19….Tashmë nga Kliniçistët/Infektiologët, unë mbetem aty “buka më e vjetër”, një pragpensionist.…Fillon dita e punës me mbledhjen e mëngjesit e të gjithë stafit me ekipin e rojes, që drejtohet nga Shefja e Shërbimit, Prof. N. Çomo, gjatë së cilës ne njihemi me evoluimin e situatës në spital…..Veshja me paisjet e mbrojtjes personale, për aq kohë sa më duhet për të parë të sëmurët si dhe për të qëndruar në mjedisin e izolimit të tyre….Vijon më pas me diskutime mes kolegësh për trajtimin sa më të kujdesshëm të të gjithë të sëmurëve tanë, si dhe me përditësimin e dijenive tona mbi këtë sëmundje “flamë të përbotëshme”….Deri më tash shpresoj se kemi ecur përmes shtegut të duhur e të mirëtrasuar, sipas parashikimeve të bëra prej nesh….
MASAT e mara për kufizimin e kontakteve, vetëizolimin, higjenën dhe ushqyerjen e duhur, tregojnë se jemi në udhë të mbarë….LIBERALIZIMI i tyre jo gradual DHE i pa shoqëruar me të tjera masa shtrënguese, është në mendimin tim i parakohshëm nisur edhe nga eksperienca të ngjashme në Japoni dhe në Korenë e Jugut, të cilat ishin kundraproduktive me rinisjen e një vale të dytë infektimesh….Po ashtu edhe në Kinë vetëm dje pas lirimit te masave në Ëuhan pati 67 raste të reja si dhe dy të vdekur nga Covid-19…..DEBATI shterpë lidhur me numurin e testimeve mundet edhe të vijojë, për sa kohë Politika vijon të prevaloje mbi Profesionalizmin, kudo dhe për çdo gjë në këtë Demon-kracinë tonë shpesh andro-menopauzike…DRITA fatmirësisht është shfaqur në fund të tynelit…PËR sa kohë na duhet ende të ecim në të?!…Vështirë të thuhet saktësisht, por ditët më të vështira besoj se po i hedhim pas shpine….Bashkëqytetarë të këtij vendi, JU DUAM SHUMË….DURIMI e NDËRGJEGJËSIMI juaj, si dhe PUNA e PËRKUSHTIMI jonë kanë filluar të na shpërblehen…BASHKË NE DO JA DALIM MBANË!!!”

Shpërndaje
Share.

Komento