Pavarësisht shpalljes së armëpushimit të Pashkëve nga Presidenti Vladimir Putin, ushtria ruse ndërmori një sulm me dron në rajonin jugor të Khersonit mbrëmjen e djeshme, ku humbi jetën një burrë 58-vjeçar.
Lajmi u konfirmua nga kreu i administratës ushtarake rajonale, Oleksandr Prokudin, i cili deklaroi se sulmi ndodhi në fshatin Stanislav.
“Një burrë i lindur në vitin 1967 humbi jetën si pasojë e një goditjeje të përbashkët armike,” tha Prokudin, duke shprehur ngushëllimet për familjen dhe të afërmit e viktimës.
Incidenti ndodhi rreth orës 19:00 me orën lokale vetëm një orë pasi kishte hyrë në fuqi armëpushimi i shpallur nga Kremlini.
