Vaksina e tretë ruse e koronavirusit mund të regjistrohet brenda një muaji, tha të enjten kryetraja e Shërbimit Federal Rus për Mbikëqyrjen e Mbrojtjes së të Drejtave të Konsumatorit dhe Mirëqenies Njerëzore, Anna Popova në një mbledhje online të Bashkimit Rus të Industrialistëve dhe Sipërmarrësve.
“Unë dua të them se Federata Ruse ka dy vaksina, dhe e treta, jam e sigurt, duhet të regjistrohet brenda një muaji. Kolegët që po e zhvillojnë atë (qendra Chumakov – TASS) kanë përvojë të gjerë në vaksinologjinë,” ajo tha
Të mërkurën, Presidenti rus Vladimir Putin tha se vaksina e zhvilluar nga qendra Vektor kishte marrë një certifikatë regjistrimi. Provat klinike u kryen në 100 vullnetarë, qendra do të fillojë provat klinike pas regjistrimit në rajone të ndryshme ruse duke përfshirë 40,000 vullnetarë. Më 11 gusht, Rusia regjistroi vaksinën e parë në botë kundër koronavirusit të ri. Vaksina, e quajtur Sputnik V, u zhvillua nga Qendra Kombëtare e Kërkimeve Gamaleya për Epidemiologji dhe Mikrobiologji të Ministrisë Ruse të Shëndetësisë dhe provat klinike të saj u përfunduan me sukses në qershor-korrik.
Deri më tani, në Rusi janë konfirmuar gjithsej 1,354,163 raste me koronavirus, me 1,048,097 pacientë që janë shëruar nga sëmundja. Të dhënat e fundit të Rusisë tregojnë 23,491 viktima në të gjithë vendin. Më herët, qeveria ruse krijoi një linjë telefonike për të mbajtur të azhurnuar publikun mbi situatën e koronavirusit.
