Rudina Hajdari shpërthen ndaj Ramës: Do të tregosh se je lideri suprem, nuk ke të ngopur

Google+ Pinterest LinkedIn Tumblr +

Me tone të ashpra deputetja Rudina Hajdari replikoi sot në seancë plenare me kreun e qeverisë sa i takon ligjit për kontrollin dhe disiplinimin e ndërtimeve.

Deputetja në fjalën e saj akuzon ish-kryetarin e bashkisë së Durrësit Vangjush Dako, për betonizimin e qytetit bregdetar, si dhe kreun e qeverisë për mbështetjen që i ka dhënë, duke e quajtur egoist dhe të pangopur.

“E dëgjuat kryeministrin. Foli sikur s’ka qenë asnjëherë në Shqipëri. Sikur s’ka qenë kryetar bashkie e nuk e di ç’bëhet me ndërtimet pa leje. Kush e betonizoi Durrësin, kush e mbështeti Vangjush Dakon. Unë apo kryeministri në foltore. Ke një vit që endesh në Evropë e merresh me egoizmin tënd, që s’ka mbarim. bën foto me Merkel, e të tjerë. Nuk ke të ngopur, do të tregosh se je lideri suprem i këtij vendi”, tha Hajdari.

Ndërkohë që edhe kryeministri Edi Rama nuk e ka lënë pa përgjigje fjalimin e deputetes Rudina Hajdari, duke thënë me ironi se fjalimet e saj në Kuvend janë si ndërtime pa leje.

“Opozitën nuk e zgjedh, por e ke. E kishim opozitën këtu nën udhëheqjen e atyre që e hoqën, tani kemi opozitën këtu, me ata që nuk shkuan pas tyre. Por në fjalimet tuaja z. Hajdari jeni si dy pika uji me ata që s’janë këtu. Nëse ka një ndryshim mes jush e kryetarit të ish partisë tuaj, ai gënjen me dashje, ju gënjeni pa dashje. Ai bën sikur s’kupton, ju nuk kuptoni. Nëse do bëja një krahasim me temën, fjalimet e tua janë si ndërtime pa leje komplet”, tha Rama, drejtuar deputetes Hajdari.

Me ironi, Hajdari nuk e kurseu këshillën ndaj kreut të qeverisë, ndërsa kërkoi prej tij të merret me realitetin, të zbresë me këmbë në tokë, e të mos ofendojë deputetët në seancë.

Shpërndaje
Share.

Komento