Ish-Deputetja e Partisë Demokratike, Rudina Hajdari, është shprehur sot për projektin e saj politik të së ardhmes.
Nëpërmjet një reagimi në rrjetet sociale, ajo thotë se do të luftojë për hapjen 100% të listave, një kërkesë e bërë edhe nga opozita jashtë Parlamentit.
“Beteja për hapjen e listave u fitua falë mbështetjes së shumicës absolute të shqiptarëve. Jam e bindur se do i hapim 100%. Uroj që të njëjtën mbështetje ta ketë edhe për projektin e ri politik, i cili do të synojë bashkimin e tyre, që duan punën e ndershme dhe e shohin të ardhmen në këtë vend, kundër atyre pak të pangopurve që kanë 30 vite që majmen në kurriz të djersës së shqiptarit të ndershëm. Jam e bindur se projekti i ri politik që po përgatisim me ajkën e qytetarisë do të bashkojë së pari rininë studentore e cila ka qenë gjithnjë në krye të ndryshimit”- shkruan Hajdari.
Ajo thotë më tej por përgatitet një projekt politik së pari për rininë studentore.
