Në një kohë që gjendja është kthyer në alarmante në Bulqizë, ka bërë reagimin e tij edhe prefekti Nexhbedin Shehu.
Sipas prefektit ende nuk dihet se cili është shkaku real i këtij helmimi masiv dhe ende ka dyshime se shkaktari mund të jetë uji.
“Një grup nga Tirana po vjen për ekspertim. Nuk e dimë saktë nëse shkaktar kryesor i helmimit është uji Klori është hedhur në mënyrë të rregulltë. Prokuroria dhe policia po hetojnë ngjarjen. 3 persona janë shfaqur sot në spital. Është bërë një analizë me mbjellje, priten rezultatett. Kemi bërë dy analiza tonat dhe uji ka dalë në rrgullë. Rrjeti ujësjellësit i amortizuar, por s’kemi patur ndonjëherë situata të tilla.”-është shprehur Shehu për Report Tv.
Zyrtarisht janë 100 banorë që kanë marrë ndihmë mjekësore pasi janë paraqitur në urgjencën e Spitalit të Bulqizës në gjendje të rëndë me simptoma të tilla si gjendje të fikti, marrje mendshme ose të vjella.
