Fluksi i emigrantëve shqiptarë që kthehen në atdhe për festat e fundvitit ka pësuar një rritje të madhe në ditët e fundit.
Kryesisht, emigrantët vijnë nga Greqia dhe Italia, me një numër të lartë të hyrjeve që vazhdojnë edhe pas Krishtlindjeve.
Pikat kufitare të Kapshticës, Kakavijës, Porti i Durrësit dhe ai i Vlorës po përballen me këtë fluks të madh. Gjatë 24 orëve të fundit, janë regjistruar afro 23 mijë hyrje në vendin tonë.
Nga Kakavija, janë regjistruar 6,948 hyrje dhe 1,500 dalje, ndërsa 1,977 automjete janë hyrë në Shqipëri.
Kapshtica ka pasur 6,219 emigrantë që kanë hyrë, dhe 1,484 kanë udhëtuar drejt Greqisë. Për të përballuar këtë fluks, janë shtuar sportele nga të dyja anët e kufirit për të shmangur vonesat.
Porti i Durrësit ka regjistruar gjithashtu një fluks të madh, me 4 tragete dhe 4,500 pasagjerë që kanë hyrë në Shqipëri gjatë 24 orëve të fundit. Vetëm brenda një jave, janë regjistruar mbi 29 mijë hyrje.
Po ashtu, në Portin e Vlorës, fluksi është rritur me 4,927 pasagjerë, 1,112 automjete të vogla dhe 303 mjete të mëdha. Përballimi i këtij fluksi ka kërkuar masa shtesë, duke përfshirë sportele të shumta për të menaxhuar fluksin e pasagjerëve.
