Një tërmet i fuqishëm me magnitudë 6.4 të shkallës rihter goditi mëngjesin e sotëm Shqipërinë.
Zonat më të prekura janë Durrësi, Thumana, Kavaja dhe Tirana.
Pas goditjes së fuqishme, u regjistruan edhe lëkundje të tjera.
Si pasojë e tërmetit, disa shtëpi në Durrës dhe Thumanë u shembën, duke shkaktuar deri më tani 11 viktima, numër ky i pakonfirmuar zyrtarisht.
Forcat e shpëtimit, kanë arritur që të nxjerrin nga rrënojat 23 persona, ndërsa kërkimet vijojnë ende.
Së fundmi, një grua dhe një fëmijë kanë ndërruar jetë në Durrës.
Spitalet e vendit ndërkohë janë mbushur me të plagosur, ndërsa emergjencat civile janë përqëndruar në Durrës dhe Thumanë.
