Rritet numri i të prekurve nga COVID-19 në Elbasan, dalin pozitiv një shofer autobusi dhe gruaja e tij

Google+ Pinterest LinkedIn Tumblr +

Ka shkuar në 18 numri i të prekurve nga COVID-19 në qytetin e Elbasanit.

Sipas “Dosja.al”, rastet e reja janë një 62-vjeçar shofer autobusi dhe bashkëshortja e tij, banorë të lagjes “5 maji”.

Ka dyshime se ata janë infektuar nga persona që kanë frekuentuar restorantin pranë gjykatës.

Gjendja e të prekurve është e stabilizuar, ndërkohë ata janë karantinuar në banesën e tyre.

Restoranti pranë gjykatës në Elbasan konsiderohet si vatra e COVID-19 në këtë qytet.

Ky restorant ka qëndruar hapur përgjatë gjithë periudhës së epidemisë, deri në momentin kur u infektua vetë pronari.

Ky i fundit gjithashtu infektoi edhe bashkëshortën e tij.

Numri i të prekurve nga COVID-19 ndërkohë ka shkuar në 609, në mesin e të cilëve 26 viktima dhe 345 të shëruar.

Shpërndaje
Share.

Komento