Në Itali numri i të infektuarve me Covid-19 vijon të rritet duke prekur dhe futbollistët e Seria A dhe kjo ka krijuar shumë probleme për lojtarët që duhet të lëvizin për në shtetet e tyre për ndeshjet e Ligës së Kombeve.
Me një problem të tillë është përballur mbrojtësi shqiptar Marash Kumbulla i cili luan me ekipin e Romës në Itali. Autoritetet shëndetësore ende nuk e kanë lejuar të grumbullohet me Kombëtaren tonë pasi te Roma ka disa lojtarë të infektuar me Covid-19.
Pas Edin Dzeko dhe portierit Petro Boer, në vendin fqinj raportojnë se janë edhe tre futbollistë të tjerë që kanë rezultuar të infektuar për kryerjes së tamponëve.Bëhet fjalë për Federico Fazio, Lorenzo Pellegrini dhe Davide Santon, të cilët kanë dalë pozitivë dhe janë izoluar për të mos rrezikuar edhe pjesën tjetër të skuadrës. Vetë Santon e ka konfirmuar diçka të tillë përmes rrjeteve sociale, duke shkruar se është vetë karantinuar.
Forza Davide! 💪 pic.twitter.com/iXuLZJftif
— AS Roma (@OfficialASRoma) November 10, 2020
Ndërkohë Amadou Diawara dhe Riccardo Calafiori vazhdojnë të jenë pozitivë, megjithatë i kanë filluar stërvitjet individuale.
