Një aksident i rëndë u regjistrua mbrëmjen e së dielës në zonën bregdetare të Shkëmbit të Kavajës, ku një turist belg, 21-vjeçari H.K., mbeti rëndë i plagosur pasi humbi kontrollin mbi një Jet Ski dhe përfundoi në ujë.
Sipas njoftimit zyrtar nga Policia e Durrësit, ngjarja ndodhi rreth orës 20:00. Shërbimi i Urgjencës pranë Spitalit Rajonal të Durrësit raportoi se i riu kishte mbërritur në ambientet e spitalit me dëmtime të rënda. Mjekët vendosën menjëherë transferimin e tij drejt Spitalit të Traumës në Tiranë, për shkak të gjendjes së rënduar shëndetësore.
Policia ka shoqëruar në Komisariatin e Durrësit pronarin e mjetit lundrues, shtetasin S.Xh., për procedurat e mëtejshme ligjore. Hetimet mbi shkaqet e aksidentit janë në vijim.
