Rrëzimi i avionit ukrainas disa orë pasi Irani sulmoi bazat e SHBA në Irak shkaktoi debate të shumta.
Shteti amerikan hodhi akuzat se shkak për rrëzimin e avionit është bërë një raketë e Iranit.
Së fundmi, Irani ka deklaruar se nuk ka ndërmend t’i dorëzojë kutitë e zeza dhe se do t’i shkarkojë vetë regjistrimet.
“Ne preferojmë t’i shkarkojmë kutitë e zeza në Iran. Por nëse shohim se nuk mund ta bëjmë këtë pasi kutitë janë dëmtuar, atëherë do të kërkojmë ndihmë,” tha Ali Abedzadeh.
Ai ka mohuar akuzat që avioni Boeing 737-800 u rrëzua nga një raketë.
Po ashtu, tha se mund të duhej një ose dy muaj për të nxjerrë informacione nga regjistruesit e të dhënave të zërit dhe fluturimit.
Zyrtarët iranianë thanë se mund t’i kërkojnë ndihmë Rusisë, Kanadasë, Francës ose Ukrainës nëse do të jetë e nevojshme.
“Bazuar në rregulloret ndërkombëtare, ne kemi ftuar të tjerët të jenë të pranishëm. Kemi ftuar prodhuesin e avionit, i cili është amerikan. I kemi njoftuar dhe ata kanë pranuar. Kemi informuar edhe Kanadanë që të marrë pjesë, sepse ata kishin shumë shtetas në aeroplan dhe ata kanë pranuar,” tha zyrtari iranian i aviacionit, Ali Abedzadeh.
Nga ana tjetër, Shtetet e Bashkuara i dorëzuan Presidentit ukrainas të dhëna të rëndësishme për rrëzimin e avionit.
Ata madje paralajmëruan se e gjithë ngjarja ishte rregjistruar nga satelitët.
Rrëzimi i avionit, i cili sapo ishte nisur nga Teherani për në Kiev, shkaktoi 176 viktima.
