Ditën e sotme, maturantët do të zhvilllojnë provimin e matematikës, që përkatësisht është edhe provimi i tretë që ata do të japin.
Janë 30 mijë maturantë do të japin sot në orën 10:00 testin, që do të zgjasë 2 orë e 30 minuta.
Gjimnazistëve u mbetet dhe një provim i fundit për të shlyer më 19 qershor, që është lënda me zgjedhje. Provimet e Maturës nisën më 1 qershor, ku nxënësit iu nënshkruan testit të parë, atij të Gjuhës së Huaj, ndërsa një javë më pas testuan njohuritë në lëndën Gjuhë Shqipe dhe Letërsi. Njësoj si vitet e kaluara, edhe kësaj here janë publikuar tezat e provimeve në rrjetet sociale, fakt ky i pranuar dhe nga vetë Ministria e Arsimit.
Pak ditë më parë u publikuan notat e testit të lëndës së anglishtes, ku duket se është pika e fortë e maturantëve të këtij viti.
Pas korrigjimit të testeve rezultoi se kalueshmëria në lëndën e anglishtes është 96%. Afro 380 maturantë kanë marrë pikët maksimale të testit, ndërsa më notën 10 e kanë arritur 24% e maturantëve.
Ndërkohë që 1 mijë maturantë nuk kanë mundur të kalojnë në provimin e Anglishtes, të cilin do të duhet ta rijapin në vjeshte. Këtë vit, maturantët që kanë kontestime për notat e provimeve mund të kërkojnë rivlerësim. Nota përfundimtare e provimit do të jetë ajo që ka dalë nga procesi i rikorrigjimit.
