Rinumërimi në Lezhë, Spiropali: Basha humbet dhe i quan zgjedhjet ilegjitime

Google+ Pinterest LinkedIn Tumblr +

Ditën e sotme janë rinumëruar 11 kuti të votimit për bashkinë e Lezhës në KQZ. Pas procesit të numërimit, u konstatua se vetëm një votë ishte numëruar gabim. Vota i përkiste Eduart Ndocajt, ndërkohë që i ishte kaluar kandidatit fitues nga PS, Pjerin Ndreut.

Para reagimit të ashpër të Ndocajt, ka reaguar edhe ministrja për Shtetin dhe zëdhënësja e qeverisë Elisa Spiropali.

Në një konferencë për mediat, Spiropali ka thënë se kjo ishte prova se zgjedhjet e 30 qershorit nuk janë të manipuluara.

Sipas saj faktet janë kokëforta, madje sa herë Basha që Basha humbet, i quan zgjedhjet legjitime.

Mirëpo Ndocaj, reagoi nëpërmjet një videoje shprehet se hapja e kutive ka qenë thjesht një fasadë, ku madje anëtarët e KQZ, i ka quajtur edhe mjeranë.

Ai thotë se në vendin tonë bëhet nami, e ndërsa Denar Biba sipas tij është një qumështor i veshur me kollare.

KQZ ka theksuar se asnjë lloj shkelje tjetër nuk ka përveç asaj vote të dhënë gabimisht ndaj kreut të PS-së.

“Nuk ka manipulim zgjedhor. Faktet janë kokëforta. Rezultatet përkojnë 100%. Sa herë që Basha humbet, i quan zgjedhjet ilegjitime. Shqiptarët e kanë kuptuar hallin e Berishës, Metës dhe Bashës. Zgjedhjet e 30 qershorit ishin ndarje e qartë dhe e prerë nga e shkuara. Pavarësisht gjullurdisë, shqiptarët refuzuan dhunën dhe Shqipërinë Evropiane,”-tha Spiropali.

Shpërndaje
Share.

Komento