Rikthehet protesta e Aleancës për Mbrojtjen e Teatrit: Ja çfarë pritet të ndodhë sot

Google+ Pinterest LinkedIn Tumblr +

Ditën e sotme rikthehen protestat, pasi në orën 17:30, Aleanca për Mbrojtjen e Teatrit së bashku me opozitën do të zhvillojnë protestën e radhës, kundër shembjes së Teatrit Kombëtar.

Pas një dite ‘pauzë’, kjo në respekt të besimtarëve mysliman pasi e marta përkonte me natën e Kadrit, Aleanca do të zbresë në Bulevardin ‘Dëshmorët e Kombit’ përballë Ministrisë së Brendshme.

Pritet që në protestë të marin pjesë qytetarë, aktivistë dhe aktorë, të cilët hedhin akuza ndaj Erion Veliajt dhe Edi Ramës për shembjen e kësaj godine.

Krah tyre, ashtu si kurse edhe në protestën e kaluar, do të jetë edhe opozita, me kryedemokratin Lulzim Basha dhe kryetaren e LSI-së, Monika Kryemadhi.

Protesta e kaluara u mbaj të hënën në orën 16:30 dhe zgjati për 2 orë e gjysmë, ku nuk munguan disa incidente të vogla, por që në tërësinë e saj u karakterizua me qetësi.

LEXO: Pas 2 orësh e gjysmë përfundon protesta kundër prishjes së Teatrit: Çfarë do ndodhë në vijim? 

Mëngjesin e 17 majit me vendim të Këshillit Bashkiak të Tiranës, u shemb godina e Teatrit Kombëtar, vendim ky i pasur me dy protesta të njëpashnjëshme, të cilat është përdorur edhe dhuna policore ndaj qytetarëve.

Opozita ka mbështetur protestat dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe, teksa pritet që protesta e radhës të zhvillohet nesër në orën 17:30.

Pas shembjes, kryebashkiaku Erion Veliaj kërkoi bashkëpunim me artistët, ndërsa kryeministri Edi Rama premton se godina e re do të jetë moderne dhe do plotësojë të gjithë kërkesat e aktorëve.

Sakaq, nuk kanë munguar edhe reagimet nga ndërkombëtarët.

BE iu bëri thirrje palëve të tregojnë kufizim dhe të shmangin përshkallëzimin e situatës, ndërsa amabasada britanike në Tiranë tha se dhuna minon demokracinë, edhe ambasadori gjerman është i të njëjtit mendim.

Shpërndaje
Share.

Komento