Rreth orës 11:00 është njoftuar mbledhja e Këshilli Politik me pjesëmarrjen e përfaqësuesve të mazhorancës socialiste, opozitës parlamentare dhe opozitës së bashkuar. Këshilli mblidhet pas marrëveshjes së 5 qershorit, ku u miratua kodi i ri zgjedhor që do të zbatohet në zgjedhjet parlamentare të vitit 2021.
Por edhe pse Partia Demokratike dhe Lëvizja Socialiste theksojnë se në mbledhjen e sotme do të fokusohen në pikat e 5 qershorit, që nuk kanë marrë ende përgjigje, kryetemë e takimit pritet te jetë kërkesa e opozitës parlamentare dhe Partisë Socialiste për ndryshimet kushtetuese, ku përfshihen listat e hapura dhe heqja e koalicioneve parazgjedhore.
Opozita jashtëparlamentare i konsideron këto kërkesa si prishje të marrëveshjes së 5 qershorit, por kryeministri Edi Rama pritet të jetë sot i pranishëm në tryezë për të negociouar pikërisht për këto pika.
Kreu i PD-së, Lulzim Basha nuk do të marrë pjesë në Këshill, ndërkohë që ndodhet për një vizitë zyrtare në Kosovë. Demokratët do të përfaqësohen nga Oerd Bylykbashi dhe Gazment Bardhi, ndërsa LSI nga Petrit Vasili.
Opozita parlamentare përfaqësohet në takim nga Rudina Hajdari dhe Myslim Murrizi.
