Hija e Lionel Messi-t vazhdon të përndjek Barcelonën edhe kur kanë kaluar disa muaj nga largimi i tij. Presidenti i klubit, Joan Laporta i është rikthyer sërish çështjes së bujshme dhe ka thënë se shpresonte që Messi të pranonte të luante falas.
Laporta, i rikthyer për herë të dytë në krye të klubit, erdhi me premtimin se do të bënte të mundur rinovimin e kontratës së argjentinasit dhe qëndrimin e tij në “Camp Noë”, por diçka e tillë rezultoi e pamundur. Presidenti katalanas deklaroi se gjithçka tregon që Messi kishte tashmë një ofertë nga PSG dhe kjo ofertë ishte shumë e mirë. Ai shtoi se nuk mund të pyetej një lojtar i nivelit të Messi-t nëse dëshironte të lunate falas, ndërsa shtoi se në momentin që Barça do të rimëkëmbej ekonomikisht, klubi do ia paguante të gjitha detyrimet.
“Me Messin nuk zemërohem sepse e vlerësoj. Por kur shohim se nuk mund të qëndronte, ka një zhgënjim të caktuar nga të dyja palët. E di që ata kishin një dëshirë të madhe për të qëndruar, por shumë presion për shkak të ofertës që ata bënë. Nuk do të hyj në detajet e vogla. Unë do ta ruaj kujtimin e Messit ashtu siç është. Gjithçka tregon se ai tashmë kishte ofertën nga PSG. Të gjithë e dinin se ai kishte një ofertë shumë të fuqishme. Ne e dinim që nga Messi ata kishin një ofertë shumë të mirë.
Unë me të vërtetë shpresoja se në minutën e fundit Messi do të thoshte se do të luante falas. Do të më pëlqente kjo dhe ai do të më kishte bindur. E kuptoj që Liga do ta kishte pranuar atë. Por ne nuk mund të pyesim një lojtar të nivelit të tij.
Mendova për të sepse e njoh, ai u ngjit me mua në ekipin e parë, e ndihmova shumë familjen e tij … Ai e dinte që kur të rimëkëmbeshim ekonomikisht do t’i ai do të shpërblehej. Ndoshta kanë mbetur disa koncepte, por ne do ta paguanim ashtu siç ishte rënë dakord”, tha Laporta.
