Koronavirusi vijon të përhapet me shpejtësi në vendin tonë dhe numri i të prekurve me këtë virus rritet çdo ditë e më shumë.
Kjo pasi AbcNews ka mësuar se ditën e sotme është konfirmuar pozitiv me Covid-19 shefi i Komisariatit të Urës Vajgurore dhe një punonjës bashkie.
Ndërkaq, në Berat rezultojnë të infektuar një mësues tek “Bab Duda”, një nxënës në shkollën “Ajet Xhindole” dhe tre edukatore te “10 Korriku” dhr një dentist.
Ditën e djeshme Ministria e Shëndetësisë njoftoi një rekord të ri infektimesh me COVID-19, në të gjithë vendin janë regjistruar 289 raste të reja nga 1402 testime të kryera.
Gjithashtu në 24 orët e fundit në gjithë vendin 4 persona kanë humbur jetën. Një prej tyre është një 37-vjeçar nga Korça i cili sipas njoftimit të Ministrisë së Shëndetësisë ishte pa sëmundje bashkëshoqëruese. Ndërkohë betejën me koronavirusin e kanë humbur dhe një 52 vjeçare nga Mirdita, një 81 vjeçar nga Tirana dhe një 85 vjeçar nga Fier.
