Mes mediave ndërkombëtare që i bënë bujë lajmit rreth vendimin që mori qeveria për dëbimin e dy diplomatëve iranian, ishte edhe Reuters.
Qeveria mori vendim të dëbonte dy diplomatë ndër të cilët ishte edhe ambasadori i Iranit në Shqipëri pasi dyshohet se kanë lidhje me planin për sulm terrorist gjatë ndeshjes së vitit 2016 ku Shqipëria luajti me Izraelin.
Ndeshja ishte e planifikuar të zhvillohej në Shkodër tek Loro Boriҫi, por për shkak të frikës për sulm, ndeshja u luajt në Elbasan Arena e rrethuar nga qindra policë.
Kujtojmë se ditën kur ishte ndeshja, qarkullonin fjalë për një sulm terrorist dhe ndërkohë u panë edhe futbollistët e Izraelit të frikësuar dhe para se të konsumonin vaktin ushqimor, të akomoduar në Hotel Plaza, ata kryen ritualet e tyre duke u lutur.
Kosova ishte e para që ngriti dyshimet për këtë rast duke zbuluar nga Agjensitë e Inteligjencës në Kosovë dhe Shqipëri, se sulmi do të bëhej në Kosovë, Shqipëri dhe Maqedoni, në ambjente ku do të kishte prani të tifozëve gjatë ndeshjes.
Sipas përgjimeve, mësohet se sulmet do të ishin të ngjashme me ata të Francës në vitin 2015 ku kishte 129 të vdekur.
Ndeshja e luajtur mes Shqipërisë dhe Izraelit më datë 12 nëntor të 2016 përfundoi me rezultatin 0-3 në favor të Izraelit por u quaj si një përballje e frikshme.
