Reshjet e dëborës janë shtuar ndjeshëm në orët e mbrëmjes në disa prej akseve ku qarkullimi i automjeteve është masiv.
Në Tepelenë dhe Gjirokastër trashësia e dëborës ka shkuar deri në 30 centimetra, ku rruga Taroninë-Qafë-Bardhë është bllokuar.
Në Frashër të Përmetit rruga është e kalueshme vetëm me zinxhirë.
Në bashkinë Memaliaj është zhbllokuar rruga në njësinë administrative Buzë.
Në bashkinë Libohovë, njësinë administrative Zagorie lëvizja e mjeteve bëhet me zinxhirë për shkak të reshjeve të borës.
Në njesinë administrative Picar, segmenti rrugor Rehovë-Golem është i bllokuar. Rrugët nacionale janë të kalueshme. Segmenti Erind-Çajup kalohet vetëm me zinxhirë.
