Reshjet e shiut dhe dëborës kanë shkaktuar problematika në qarkun e Kukësit, ku disa segmente të akseve kombëtare kanë pasur rënie gurësh, duke vështirësuar qarkullimin e mjeteve. Megjithatë, aktualisht të gjitha akset janë të kalueshme dhe nuk ka bllokime.
Njoftimi:
Situata në Qarkun Kukës deri në orën 08:00 datë 07.12.2024 është si më poshtë: I gjithë territori i Qarkut Kukës gjatë natës deri në orët e para të mëngjesit është i përfshirë nga reshje shiu me intensitet mesatar dhe reshje bore në lartësinë mbi 800 m.
•Si pasojë e këtyre kushteve të motit të gjitha akset nacionale rrugore vazhdojnë të jenë nën trysninë e rënies së gurëve, inerteve dhe borës duke krijuar vështirësi në qarkullimin normal të mjeteve në disa segmente rrugore.
Subjektet kontraktore kanë punuar gjatë gjithë kohës me të gjitha kapacitetet për mbajtjen funksionale të tyre. Aktualisht të gjitha akset rrugore nacionale janë të qarkullueshme normalisht.
•Nga bashkia Kukës, Tropojë dhe Has nuk kemi raportime për ndonjë problematikë emergjente.
•I gjithë Qarku i Kukësit furnizohet normalisht me energji elektrike, përveç
fshatrave Dragobi, Valbonë, Nj Adm Margegaj, Bashkia Tropojë. Nj Adm, Kolsh dhe Surroj, Bashkia Kukës.
•Furnizimi me ujë të pijshëm bëhet sipas orareve të përcaktuara nga D.R.U.K. Kukës.
