Ka shkuar në 3 numri i viktimave nga koronavirusi në Greqi.
Sipas raportimeve në mediat greke, viktima e fundit ishte një 92-vjeçare.
Gjithashtu dy të afërm të viktimës janë izoluar në spital.
Ndërkohë viktima tjetër ishte një 67-vjeçar, i cili vuante nga një sëmundje zemre e rëndë.
Ditën e djeshme, u regjistruan 72 raste të reja, duke e çuar numrin e të infektuarve në 190.
Në mesin e të infektuarve janë edhe 4 shqiptarë, motër e vëlla së bashku me bashkëshortët.
Qeveria greke ka ndërmarrë një sërë masash për parandalimin e përhapjes së koronavirusit, duke mbyllur kafenetë, baret dhe qendrat tregtare.
Ndërkohë që prej ditës së sotme, kufiri i Shqipërisë me Greqinë është mbyllur.
