“Reforma Zgjedhore”, Kryemadhi: Rama tentoi ta sabotonte me shembjen e Teatrit Kombëtar

Google+ Pinterest LinkedIn Tumblr +

Kreu i Partisë Demokratike, Lulzim Basha, është shprehur sot se opozita e bashkuar nuk do lejojë lojën e Edi Ramës dhe shkatërrimin e Reformës Zgjedhore.

“Opozita nuk do e braktisë tryezën e Reformës Zgjedhore”, është shprehur Basha.

Edhe kryetarja e LSI-së Monika Kryemadhi shprehu të njëjtin qëndrim si Basha në lidhje me vijimin e reformës zgjedhore.

Sipas saj, kryetari i PD-së, Lulzim Basha ka folur në emër të opozitës së bashkuar. Kryemadhi shton se sabotim u përpoq të bëjë kryeministri Rama, duke shembur Teatrin Kombëtar.

Pak minuta më parë edhe vetë kryeministri Rama përgëzoi veprimin e opozitës së bashkuar.

Po ashtu edhe ambasadorja e SHBA-ve, Yuri Kim, përshëndet vendimin e Partisë Demokratike dhe kreut të saj, Lulzim Bashës, për të përfunduar Reformën Zgjedhore.

Edhe ambasadori i BE, Luigi Soreca ka përshëndetur vendimin e Bashës për t’u rikthyer në tryezën e Këshillit Politik të Reformës Zgjedhore.

“LSI nuk ka asnjë qëndrim të ndryshëm nga qëndrimi që ka bërë të njohur në emër të Opozitës së Bashkuar kryetari i PD-së zoti Lulzim Basha.

Përmbushja e të gjitha detyrimeve ndaj reformës zgjedhore ka qenë dhe mbetet prioriteti im si Kryetare e LSI-së, ndaj do të vazhdoj të bëj të gjithë presionin e nevojshëm, që ajo të realizohet me konsensus dhe sa më parë, si kusht i rëndësishëm për të rikthyer legjitimitetin e vullnetit të qytetarëve shqiptarë.

Shembja e paligjshme e Teatrit Kombëtar dhe përdorimi i dhunës policore mbi artistët, mbi gazetarët, mbi veprimtarët e shoqërisë civile dhe përfaqësuesit e opozitës, është provokimi i rradhës së Edi Ramës ndaj opozitës dhe qytetarëve shqiptarë, i cili edhe në sallën e Kuvendit vazhdoi me të njejtën gjuhë fyese dhe provokative, për të na detyruar të largohemi nga tryeza e reformës zgjedhore”, u shpreh Monika Kryemadhi.

Shpërndaje
Share.

Komento