Dimri vjen me një valë më të fortë koronavirusi, epidemiologu tregon skenarët e Shqipërisë

Google+ Pinterest LinkedIn Tumblr +

Ndonëse në shumë vende situata nga Covid-19 po shkon drejt përmirësimit, pjesa më e madhe e ekspertëve, dhe Organizata Botërore e Shëndetësisë parashikojnë një valë e dytë të koronavirusit akoma më të fortë se e para që do të godasë Europën në dimër.

Kështu, OBSH u ka bërë thirrje qeverive mos të entuziazmohen, por të përgatisin sistemi shëndetësor për valën e dytë.

Epidemiologu Ilir Alimehmeti ka analizuar sot masat e marra nga qeveria gjatë pranverës dhe sjell në vëmendje një studim të Universitetit të Harvardit.

“Sa më të rrepta të jenë masat aq më pak përqindje e popullatës kalon virusin dhe krijon antitrupa. Që do të thotë se përqindja e popullatës së ndjeshme në shtator, tetor, nëntor do të jetë pak a shumë e njëjtë si përqindja e popullatës në mars se nuk lejuam shpërndarjn e virusit. Disa shtete që e kanë lejuar deri diku duke pasur përqindje më të ulët në vjeshte do të kenë më pak raste dhe më pak mbingarkese spitalore se çelësi është mbingarkesa spitalore. Ne deri më sot e kemi pas spitalin kurrë më shumë se 10%. Që do të thotë kemi pas mundësi për lehtësim masash. Pse e ka përmendur këtë masë? Se është mundësia më e keqe. Që vala e vjeshtës të jetë më e ashpër se e pranverës sepse mbivendoset me viroza të tjera”.

Po ashtu, ai ka treguar edhe 2 skenarë të tjerë më të butë, parashikuar nga Universiteti i Minesotës.

  1. Kjo është vala e madhe dhe do të ketë valë pasgoditëse gjithnjë e më të vogla dhe zgjasin me vite.
  2. Ka dhe një mundësi tjetër të tretë, e cila mund të shfaqë një valë tjetër në vjeshtë, më të butë dhe pastaj vazhdon me valë pasgoditëse më të buta.”

“Le ta marrim si puna e tërmetit. Kjo është vala e madhe dhe do të ketë valë pasgoditëse gjithnjë e më të vogla dhe zgjasin me vite. Është një mundësi tjetër. Ka dhe një mundësi tjetër të tretë e cila mund të shfaqi një valë tjetër në vjeshtë, më të butë dhe pastaj vazhdon me valë pasgoditëse më të buta.”

Në Shqipëri nuk është ndërmarrë ende ndonjë studim për të parë sa përqind e popullsisë është prekur nga koronavirus dhe Instituti i Shëndetit Publik është bazuar në hetimin epidemiologjik të rasteve ndërsa testeve seriologjike aktualisht i janë nënshtruar personali shëndetësore dhe pacientë të prekur nga Covid-19 të trajtuar në dy spitalet Covid.

Studimet virologjike mungojnë, megjithkëtë klinicistët në vendin tonë thonë se koronavirusi është zbutur.

Kjo periudhë sipas Alimehmetit duhet ti shërbejë autoriteteve shëndetësore për të marrë masa për të përballuar çdo situatë në shtator apo tetor.

“Prandaj na duhen testet në popullatë. Të kuptojmë sa përqind e popullatës sot e ka virusin apo ka antitrupa. Të kuptojmë sa e rëndë ishte kjo sëmundje tek ne dhe e dyta të bëjmë gati shërbimet spitalore në rast se kjo valë përsëritet më e lartë.”

Shpërndaje
Share.

Komento