Rebelët sirianë pretenduan më 8 dhjetor se kanë marrë kontrollin e Damaskut pas një ofensive të shpejtë.
Sipas tyre, kryeqyteti është “i lirë nga Assadi”. Vendndodhja e presidentit Bashar al-Assad mbetet e panjohur, ndërsa raporte të pa konfirmuara sugjerojnë se ai mund të ketë lënë vendin.
Kryeministri Mohammad Ghazi al-Jalali, në një video-mesazh, u shpreh se qeveria është e gatshme për bashkëpunim me një udhëheqje të re të zgjedhur nga populli, duke theksuar rëndësinë e një shteti normal e paqësor për Sirinë.
Departamenti Amerikan i Shtetit bëri thirrje për mbrojtjen e civilëve dhe theksoi nevojën për një zgjidhje të konfliktit bazuar në Rezolutën 2254 të OKB-së.
Ndërkohë, presidenti i zgjedhur i SHBA-së, Donald Trump, deklaroi se SHBA duhet të qëndrojë jashtë konfliktit sirian.
