Ministria e Shëndetësisë ka mbledhur Task Forcën, për të marrë masa për koronavirusin.
Ky virus ka marrë 81 jetë njerëzish në Kinë, ndërsa numri i të prekurve ka shkuar në 3 mijë.
Europa është në gatishmëri, për shkak se janë regjistruar disa raste.
Më konkretisht një rast është shënuar në Bari të Italisë, 3 në Francë dhe 14 raste të dyshuara në Britaninë e Madhe.
Në Pekin ka shkuar edhe drejtori i përgjithshëm i Organizatës Botërore të Shëndetit, Tedros Adhanom Ghebreyseus.
Autoritetet në Kinë, dyshojnë se virusi mund të jetë përhapur nga mishi i gjarpërinjve, ose supa e gatuar me lakuriq nate.
Fillmisht, virusi u përhap në qytetin e Wuhanit, ku po planifikohet të ndërtohet një spital, për të izoluar të prekurit.
Në mesin e viktimave nga virusi është edhe një mjek, i cili po kuronte të prekurit.
