Presidenti i Serbisë, Aleksandër Vuçiç, do të përfaqësojë Shqipërinë dhe Maqedoninë e Veriut në bisedimet me presidentin francez, Emanuel Macron.
Kjo është konfirmuar nga vetë presidenti serb në një intervistë për “Der Spiegel”.
“Unë kam qenë me kryeministrat e Shqipërisë dhe Maqedonisë së Veriut në samitin e Ohrit dhe ne ramë dakord për pothuajse çdo pikë, duke përfshirë që unë të flisja me Macron në emër të të gjithëve, siç bëra javën e kaluar”, tha Vuçiç.
Gjatë intervistës Vuçiç u ndal në shumë tema, midis të cilëve edhe “Minishengeni Ballkanik”.
Sipas presidentit serb, ky projekt është më i miri i tre dekadave të fundit dhe do t’i kursejë vendeve të rajonit plot 3.5 miliardë euro.
