Rama telefonon kandidatin e Dibrës, ironizon opozitën: Si shkon “Partia e Kontrollorëve Ajror?!”

Kryeministri i vendit, Edi Rama ka telefonuar nga Saranda kandidatin për deputet në Dibër, Dionis Imeraj ku dhe kanë diskutuar për  situatën elektorale. Kryeministri Rama përveç porosive që i ka dhënë Imeraj nuk ka lënë pa ironizuar edhe kundërshtarët e tij politik. Teksa e pyet për kandidatin e PD, Xhelal Mziu, kryeministri thotë: Ai azilanti i Kamzës ca bën? Por nuk ndalet veç tek Partia Demokratike, ai me ironi e ka pyetur edhe për kandidatët e LSI-së në këtë zonë të cilët i quan “Partia e Kontrollorëve Ajrorë”.

Rama e ka porositur kandidatin për deputet që të jetë sa më pranë qytetarëve, ndërsa shpreh bindjen se rruga e Arbritmund të përfundojë edhe para afatit.

Ja biseda e Ramës me Dionis Imerajn

Edi Rama: Ç’thotë Dibra

Dionis Imeraj: Po mirë, përgjithësisht mirë vazhdojmë me takimet, populli i kënaqur

Edi Rama: Lëri më këto, populli i kënaqur, a po i takoni njerëzit një nga një kudo

Dionis Imeraj: Patjetër, një nga një, në çdo fshat në qytet jemi shpërndarë të gjithë kandidatët ku kanë popullaritetin dhe njerëzit.

Edi Rama: Ai azilanti i Kamzës ça bën ai?

Dionis Imeraj: Ai bën xhiro

Edi Rama: Apo vatra covidi nëpër  klube

Dionis Imeraj: Ai nuk ka bërë dhe as vaksinën dhe nëpër klube, po na infekton njerëzit. Ai infekton dhe ne shëro. Kështu vajti kjo punë

Edi Rama: Po Mati, Bulqiza si duken?

Dionis Imeraj: Po edhe ato mirë, kanë vazhduar takime me njerëzit. Frymë pozitive. Do ta mbyllim me sukses

Edi Rama: Ke besim ëëë?

Dionis Imeraj: Po patjetër, besim absolut

Edi Rama: Po kjo “Partia e Kontrollorëve Ajror” si shkon?

Dionis Imeraj: Kjo nuk është asgjëkundi, dalin nëpër terren por jo aq me potencial, pothuajse ka humbur fare.

Edi Rama: Me njerëzit duhet shumë komunikim kudo, duhen pranuar me modesti dhe vetëdije gjërat që nuk shkojnë. Më ra goja, pakënaqësitë janë legjitime, njerëzit kanë të drejtë të kërkojnë më shumë, ne kemi bërë sa kemi  mundur, jo sa kemi dashur. Edhe gabime janë bërë, por e rëndësishme është që fokusin e kemi, këmbënguljen e kemi, durimin e kemi dhe karakterin e kemi. Kështu që duhet të fokusohemi tek njerëzit. Ki parasysh që me rrugën e Arbrit do realizohet brenda këtij viti dhe do zoti edhe në një kohë para afatit atëherë do ndryshojnë shumë gjëra për Dibrën. Ne kemi shumë punë për të bërë edhe për Dibrën.

Dionis Imeraj: Shumë dakord kryetar

Edi Rama: Emigrantin Krashin si e kam?

Dionis Imeraj: Mirë, është vizionar anglez. Bëji të fala të gjithëve.

Edi Rama: Unë do vij në datë 13 dhe do flasim. Të përshëndes.