Protesta e opozitës ditën e sotme padyshim që është duke u pritur me ankth për shkak se nuk dihet se çfarë do të ndodhë dhe pikërisht për këtë arsye ka ndodhur edhe një ndryshim plani në momentin e fundit në agjendën e kryeministrit Rama.
Është lajmëruar më herët se pas përfundimit të Samitit, Rama do të udhëtonte drejt Katarit për një vizitë zyrtare,e cila është anuluar në momëntin e fundit dhe është shtyrë për një datë tjetër.
Mësohet se arsyeja e këtij vendimi kanë qenë informacionet se në protestën e lajëmruar të opozitës në orën 18:00 mund të ketë përplasje dhe këtë e ka thënë jo vetëm SHISH dhe Policia e Shtetit, por edhe Trupi Diplomatik.
Për më tepër edhe vet përfaqësues të opozitës kanë këshilluar pjesëmarrësit që të jenë të kujdesshëm, megjithatë nuk dihet ende se çfarë do të ndodhë duke marrë parasysh që në dy protestat e mëparshme të mëdha të lajmëruara nga opozita, ka pasur përballje spontane mes protestuesve dhe policiëve.
Policia ka arritur që të vendosë nën kontroll situatën, pa pasur nevojë për ndërhyrje të shumta, vetëm me gaz lotësjellës dhe hedhje uji me presion.
Brenda PD-së tashmë janë dhënë edhe disa detaje sa i përket protestës. Sipas tyre protesta do të varet nga moti, ku është parashikuar për reshje shiu. Megjithatë në rast se do të kemi reshje shiu atëherë protesta do të zgjasë jo më shumë se 3 orë, ndërkohë që në rast të kundërt, nuk ka asnjë njoftim.
