Protesta e sotme e opozitës duket se nuk do të jetë e qetë. Këtë e ka përforcuar edhe ish-deputeti i PD-së, Klevis Balliu, i cili ka thënë se reagimi i sotëm do të ketë surpriza dhe nuk do të jetë e qetë.
Në një deklaratë për Fax Web, Balliu ka thënë se protesta e sotme do të jetë uragan, i cili do lerë shenjë në histori si shkatërrimi i sistemit komunist që drejtohet nga bijtë e komunistëve.
“Shqiptarët gjithmonë suprizojnë. Kjo nuk është një protestë e një partie politike, por kjo është një revoltë, ndaj ka surpriza. Ne rrezikohemi nga bashkepunimi i Ramës me kriminelët. Ky sot është uragan i cili në histori do të njihet si shkatërrimi i sistemit komunist” , u shpreh ish-deputeti.
Gjithashtu i ka kushtuar edhe pak kohë zgjedhjeve të qershorit, për të cilat ka thënë se në rast se janë të ndershme, Rama nuk merr as 30 mandate në total. Njëkohësisht Balliu iu ka bërë thirrje gjithë qytetarëve që t’i bashkohen tubimit.
“Nëse këtu ka zgjedhje të lira e të ndersheme Rama nuk merr as 30 mandate. Sot bulevardi do të mbushet det me njerëz, do të jetë një uragan, që në histrori do të njihet si shaktërrimi i sistemit komunist, i drejtuar nga bijtë e komnistëve. Iu bëj thirrje shqiptarëve të bashkohen për dhunën që u ka shkaktuar ky njeri, dhe ta marrin në dorë fatin e këtij vendi”, u shpreh Klevis Balliu.
