Ka përfunduar mbledhja e Kryesisë së Partisë Socialiste, ku të pranishëm ishin ministrat dhe kryeministri Edi Rama.
Gjatë takimit, Rama ka bërë ndryshime të rëndësishme në drejtimin e qarqeve, duke dhënë një goditje të dukshme ndaj Erion Veliajt.
Në Tiranë, Blendi Gonxhe është vendosur si drejtues qarku, së bashku me Ogerta Manastirliun dhe Elisa Spiropalin, duke dobësuar më tej rolin e Veliajt. Në Dibër, Sekretari i Përgjithshëm Blendi Klosi është caktuar si drejtues qarku, ndërsa në Vlorë, pas Bledi Çuçit, edhe ministri Piro Vengu do të merret me organizimin e strukturave për zgjedhjet e 11 Majit.
Vendimi për vendosjen e Blendi Gonxhes në Tiranë konsiderohet si një sinjal i qartë se kryeministri ka zgjedhur ta izolojë Veliajn nga qendra e vendimmarrjes brenda PS-së.
